Tahiri: Këshilli Gjyqësor i Kosovës ka nisur zëvendësimin e gjyqtarëve të huaj me ata vendorë për Dhomën e Posaçme

10:37 | 28 Qershor 2018
Arbresh.info

Kuvendi i Kosovës është duke mbajtur një seancë të jashtëzakonshme ku po bëhet shqyrtimi i parë i Projektligjit për Dhomën e Posaçme të Gjykatës Supreme për çështjet në lidhje me Agjencinë Kosovare të Privatizimit.

Ministri i Drejtësisë, Abelard Tahiri, ministria e të cili është sponzorizuese e këtij Projektligji ka thënë para deputetëve se Këshilli Gjyqësor i Kosovës ka filluar promovimin e gjyqtarëve që do të jenë në Dhomën e Posaçme të Gjykatës Supreme vetëm nevojitet shqyrtimi i projektligjit, raporton arbresh.info.

Këtë deklaratë, Tahiri e bëri pas deklaratave të kryetares së Komisionit për Legjislacion se po u kërkohet shqyrtimi me procedura të përshpejtuara.

“Këshilli Gjyqësor i Kosovës ka filluar promoviimin e gjyqtarëve që do të jenë gjyqtarë të Dhomës së Posaçme mirëpo asgjë nuk mund të finalizohet pa u shqyrtuar ky Projektligj”, ka thënë Tahiri./Arbresh.info